Gebedsflits 16 Julie 2010

Beste vriend/vriendin,

Hieronder volg ons nuutste gebedsflits – (Pa) Tobie het dit saamgestel (tobiedewet@hotmail.com). 

Gebedsflits vir Vrydag 16 Julie

Dank die Here saam met ons vir:

1)      Kataoka sensei, die nuwe jong predikant wat reeds in Tokushima aangekom het en eerskomende Sondag verwelkom word deur ons stad se twee gemeentes (Tokushima en Tokushima-Seibu).

2)      Die aankoop van ‘n goedkoop tweede-handse motor (Mitsubishi Dingo) vir ons werk en lewe ter vervanging van ons ou motor.

3)      Stéphan en Carina se verskyning (nou al die tweede keer) op ons plaaslike TV. ‘n Uitstekende blootstellings-geleentheid en getuienis!

4)      Annlie wat hierdie Saterdag haar derde verjaardag vier.

Vra in afhanklikheid van die Here vir Sy leiding en sorg in:

1)      ‘N BAIE VOL EN BELANGRIKE NAWEEK: i) Saterdagoggend Annlie se GROOT verjaardag partytjie waarheen 34 mammas en kinders uitgenooi is! ii) Die Yanagi gesin vanaf Fukuoka wat die naweek by Tobie en Annalie kom oorbly. iii) Saterdag aandete saam met hulle hele familie by Tobie en Annalie aan huis. iv) Sondagoggend gesamentlike erediens en verwelkoming van Kataoka sensei. v) Tobie se erediens Sondagmiddag weer in Marugame en die Vrouebyeenkoms onmiddelik daarna. vi) Ring se Jeugbyeenkoms wat Sondagaand in Takamatsu begin. vii) Dieselfde aand ‘n belangrike kerkraadsvergadering in Tokushima Gemeente. iii) Spesiale Ringsitting Maandag in Takamatsu stad om Kataoka sensei amptelik in die Ring te aanvaar. ix) Onmiddelik daarna die stigting van ‘n organisasie om die sending van die RCJ in die Noordelike dele van Shikoku te koördineer.

2)      VOLGENDE WEEK: i) Stéphan en Carina se daaglikse taalstudies. ii) Tobie en Annalie se voorbereidings. ii) Tobie en Annalie se Bybelstudies saam met: MIWAKO, TAKAKO, MANAHO, IKEUCHI ens. iii) Tokushima Gemeente-biduur (Donderdagaand). iv) Vrydagaand ontvang ons twee predikantspare en hul kinders vir ‘n braai by Stéphan en Carina se huis.

3)      NORIKO san: Sy het lewer-probleme wat dalk ernstig kan wees. Sy word dus weer ge-hospitaliseer (die 26ste) vir drie dae vir ekstra lewertoetse waarvan die uitslag haar toekoms kan bepaal…sy is baie gespanne daaroor.

4)      ALGEMEEN: Vir ons liggaamlike, emosionele en geestelike gesondheid. Nie net is die vogtige hitte van hierdie tyd van die jaar uitmergelend nie, maar op hierdie stadium voel ons almal maar emosioneel uitgeput met min energie.

5)      VOORBIDDING VIR JAPAN: Ons begin by die heel Noordelike “Prefecture” (provinsie) en eiland: HOKKAIDO: Die grootste van al die 47 provinsies. Populasie: 5,650,573. Hoofstad: Sapporo. Christen kerklidmate: 22,603. Een RCJ Gemeente (sendingpos) met 22 lidmate. Hokkaido is relatief meer ontvanklik vir die evangelie as die res van Japan. Nie so konserwatief soos res nie.

6)      VOORBIDDING VIR RCJ SHIKOKU GEMEENTES: RCJ SUKUMO gemeente (eintlik sendingpos) in Kochi provinsie met 26 lidmate en ‘n jong predikant en sy vrou (SAKAI sensei en Rieko san). Meestal ouer lidmate. Net 5 (insluitend Sakai sensei en sy vrou) jonger as 60 jaar! Sukumo stad se bevolking: 23,000. Sakai sensei en Rieko san probeer regtig hard om uit te reik na jong mense en kinders in die gemeenskap deur speletjies elke Dinsdag en Vrydag. Ongeveer 10 neem deel.

7)      VOORBIDDING VIR KYUSHU VRIENDE: Tobie en Annalie was vanaf die begin van 2000 vir meer as 7 jaar in Kyushu woonagtig en werksaam. D.m.v. Engelse klasse en ‘n kookklub in Fukuoka en Kokura baie kontakte en vriende gemaak. Weeklikse Engelse Bybelstudie gehad, bygewoon deur ongeveer 15 vrouens in totaal. Probeer steeds met meeste kontak behou (bv. deur elkeen met sy/haar verjaardag persoonlik geluk te wens). Word ook soms besoek deur vriende vanaf Kyushu. Beplan om einde Oktober ‘n spesiale besoek aan Kyushu te bring. Kyushu is hoog op ons voorbiddingslys. Dié provinsie het die afgelope dae geweldige stormweer en reën beleef wat skrikwekkende oorstromings, GROOT skade berokken en ook lewensverlies tot gevolg gehad het. Ons harte gaan uit na die mense van Kyushu…

 TERLOOPS: Die somer is met ons in volkleur! Dié tyd van die jaar in Japan is ook juis bekend vir vuurwerke (hanabi). Loer gerus hier om meer te leer…