2023.01.16 Nuusflits

Te veel om te deel! Waar begin ons?

Reis ‘n paar weke terug en sien wat gebeur het oor die Kerstyd in Kobe


Hoe het 2023 aan jou kant begin? 

Ons is terug op spoed sedert die eerste week van Januarie. Meeste van ons gesin moes onlangs deur ‘n griep episode werk, maar andersins loop dinge sover goed. 

Omdat ons weet hoeveel energie die wegspring van ‘n nuwe jaar vereis, wil ons jou nie vermoei met te veel inligting nie, maar deel ons eerder net foto’s met byskrifte van wat die afgelope maand gebeur het. Deur gasvryheid, prediking en vele geleenthede het ons die vreugde van Christus se koms gedeel. Wat ‘n voorreg!

Ons bly afhanklik van jou gebede en ondersteuning vanjaar. Dankie dat ons daarop kan staatmaak.

In verbondenheid en met gebede vir die Here se seën en vrede in jou lewe.

Stéphan, Carina en gesin

Byskrifte van links bo na regs onder:

  1. Carina lei die Kerfees partytjie vir kinders by ons gemeente, met Annlie wat dans.
  2. Ons huis was pal vol gaste oor die feestyd. Dankbaar vir gemeenskap!
  3. Mense wat hul tuiste op straat maak in Kobe middestad geniet ‘n warm bord kos.
  4. Ons maak kos vir die haweloses in Kobe.
  5. Jovald (van Suid-Afrika) en Cora (van Amerika) is getroud vanuit ons gemeente en Stéphan het die seremonie gelei.
  6. Ons deel deel die vreugde en Lig van Christus se koms met liedere in ons buurt.
  7. Handgemaakte pret by ons gemeente se byeenkoms vir kinders rondom Kersfees.
  8. Studente speel ‘n boontjie-optel-met-’n-stokkie speletjie by dié geselligheid.
  9. Studente en ander sing by Kobe Reformed Theological Seminary.
  10. ‘n Paar families deel ‘n ete en gesels oor 2022 se hoogtepunte en uitdagings.
  11. Cornelius vat die stokkie aan by die aflos van kinders uit ons tuisskool groep.
  12. Daar was ook tyd vir kuier saam met maats en familie.
  13. Carina se broer en sy vrou Akari was by ons aan huis.
  14. Stephan (junior) in die winterkoue.
  15. Die RCJ gemeente in Tajimi, naby Nagoya in die middel van Japan, waar Stéphan gepreek het op Kersdag.
  16. Buite RCJ Tajimi gemeente, voor die erediens begin.
  17. Stephan lei die English Fellowship by RCJ Tokushima gemeente (Carina het die Kersfees boodskap gebring by die bediening wat sy en Miwa Terauchi 12 jaar gelede in RCJ Tokushima gemeente begin het).

Werkspermit Goedgekeur: Oop Deur!

Baie dankie vir almal wat saam gebid het. Die Here het die deur oop gemaak vir (ds) Tobie en Annalie De Wet om DV vir 3 jaar van bediening terug te keer na die Reformed Church in Japan se Shikoku Ring – as brug-sendelinge – in Niihama gemeente. 

Hierdie week vind rigtinggewende plaas met Missie Japan leiers. 

Bid asb. daarvoor en vir die nodige voorsiening van finansies 

en baie ander voorbereidingswerk. 

Meer inligting volg binnekort vanuit Missie Japan kantoor. 

Kyk intussen na ‘n vorige onderhoud met hulle hieronder op YouTube.

January 16th, 2023 in Algemeen | tags: ,